中五既生涯又過一日：

今日６點９起身，洗頭沖涼，７點３出門口。

番到去，先知道要做中文功課。唔使講，梗係冇做啦，好彩冇比人訓。

跟住係英文堂，又話有功課要交，又係冇做。成班２８個人，有２６個都冇做，企晒係度，咩人

行過．都望入黎睇下。都係多得個個死人（標叔叔），係要同阿ｓｉｒ講話有功課要交，知你有

做，知你威晒啦。

到Ｍａｔｈ堂，又係要做突擊測驗，識做一半。

食飯，去王林記食，佢個ｄ雞排真係好鬼死正。番到去，比康哥串我，打又唔夠佢打。灰．．．

上Ｅｃｏｎ堂，個老師玩野，話要上下網，死人鄧仲銘同肥業話我成日都上鹹網，我根本就冇

唉！都比人屈慣架啦／ｏ＼

放左學，要去測ｃｈｅｍ，測完仲要補做番ｄ英文先走得，做到成６點幾先走得，呢ｄ生活邊係

人過架。

７點幾番到屋企，支力到死下死下。唔想有第二次．．．

下個星期五夜晚，放左學，搵人去石澳燒野食，有意聽日搵我。聽日便服日，大家著得好睇ｄ。

補打星期5：

星期５係水運會，約左Philip同康哥７點４係西灣河地鐵站等，但係我７點半先到，比人鬧＝３＝

跟住搭８２去柴灣泳池，架車好多人下

去到之後，以為未入得，所以呆等左成３個字。入到去，坐低，ｄ位迫到死，都唔知點解學校唔

去銅鑼灣個個泳池。好彩，參加比賽個ｄ可以落去坐，但係曬到｛扒晒街｝。換泳衣，我個場接

力賽係１１點開始，又係呆坐左２個鐘。到我個埸比賽，有點兒驚呢－３－，我係第二棒，爆盡

，不過未比賽之前都知道Win硬，點解？因為我個班有２個全學校游得最快既人係到。Win到，都

係靠佢地架ｊａ。仲破埋學校個紀錄，好開心呀^O^。

完左之後，超肚餓，去左新翠食吉野家，好味＊ｏ＊。Then，諗住去朋友屋企玩陣，點知佢未

放，唯有去住網吧先啦，玩到２點半到，出發去佢屋企，玩到７點先回家。好支力呀，所以

１０：３０就去訓啦＠ｏ＠